مدینہ منورہ: مسجد نبوی شریف ﷺ کی انتظامیہ نے خواتین کیلئے روضہ رسولﷺ کی زیارت کے اوقات میں تبدیلی کردی۔

غیرملکی میڈیا رپورٹس کے مطابق سعودی حکام کی جانب سے مختص کئے گئے نئے اوقات کے مطابق اب خواتین دن میں 2 مرتبہ روزہ رسول ﷺ کی زیارت کرسکیں گی۔

نئے اوقات کے مطابق خواتین اب صبح سورج طلوع ہونے سے لے کر ظہر کی نماز سے ایک گھنٹے قبل تک اور پھر نماز عشاء کے بعد سے نماز فجر کے ایک گھنٹے قبل تک زیارت کرسکیں گی۔

مسجد نبوی ﷺ کی انتظامیہ کے مطابق نئے نظام الاوقات پر 24 مارچ سے عملدرآمد کردیا گیا ہے۔

انتظامیہ کا مزید کہنا ہے کہ یہ نظام الاوقات تجرباتی ہے اور یہ 5 دن تک نافذ رہے گا۔

Advertisements

سعودی حکام کے مطابق اگر یہ تجربہ کامیاب ہوجائے تو اسے مستقل کردیا جائے گا۔