ڈی جے براوو کے نئے گانے میں آفریدی کی جھلک

ویسٹ انڈین آل راؤنڈر کرکٹر ڈُوین جان براوو موسیقی سے بھی بڑا گہرا لگاؤ رکھتے ہیں، ان کا گایا ہوا گیت ‘چیمپئن’ آج بھی بہت مقبول ہے۔

ڈی جے براوو نے اپنے نئے گانے ‘ایشیا’ میں شاہد آفریدی، ویرات کوہلی، مہندرا سنگھ دھونی، کمار سنگاکارا، مہیلا جے وردھنے، شکیب الحسن اور راشد خان کا ذکر کیا ہے۔ ویڈیو میں ان اسٹارز کی جھلک بھی نظر آتی ہے۔

سماجی رابطوں کی ویب سائٹ پر ویڈیو شیئر کرتے ہوئے شاہد آفریدی نے کہا ہے کہ ڈُوین براوو نے ایک بہترین کوشش کی ہے۔ امید ہے کہ نیا گانا چیمپئن سے بھی زیادہ مقبول ہوگا۔

یاد رہے کہ براوو گزشتہ سال اکتوبر میں ہی انٹرنیشنل کرکٹ سے ریٹائر ہو گئے تھے۔ براوو اب صرف لیگز کھیل رہے ہیں اور آئی پی ایل میں شرکت کے لئے آئندہ ماہ بھارت آئیں گے۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *