لاہور : وزیراعلیٰ پنجاب عثمان بزدار نے سابق وزیراعظم نوازشریف کوفوری اسپتال منتقل کرنے کی منظوری دے دی۔
تفصیلات کے مطابق، ہفتے کو وزیراعلیٰ پنجاب کی جانب سے کوٹ لکھپت جیل میں قید نواز شریف کوفوری اسپتال منتقل کرنے کی منظوری دی گئی۔
محکمہ داخلہ پنجاب نےسابق وزیراعظم کی سروسز اسپتال منتقلی کے احکامات جاری کر دئیے۔
محکمہ داخلہ پنجاب کا کہنا ہے کہ نوازشریف کو آج سروسز اسپتال منتقل کیا جارہا ہے، جہاں ان کے ٹیسٹ ہوں گے،سینئر پروفیسرز کی رپورٹ پر نواز شریف کو اسپتال منتقل کرنے کا فیصلہ کیا گیا، جب تک ٹیسٹ مکمل نہیں ہوتے وہ اسپتال میں ہی رہیں گے۔
یاد رہے میڈیکل بورڈ نے نواز شریف کی اسپتال منتقلی کی سفارش کی تھی، جس کے بعد محکمہ داخلہ پنجاب نے نوازشریف کو سروسزاسپتال منتقل کرنے کا فیصلہ کیا تھا۔
Facebook Comments
بذریعہ فیس بک تبصرہ تحریر کریں