• صفحہ اول
  • /
  • خبریں
  • /
  • ‘وزیراعظم پی اے سی سے اپنا ممبر نکال کر مجھے شامل کریں’

‘وزیراعظم پی اے سی سے اپنا ممبر نکال کر مجھے شامل کریں’

لاہور: وفاقی وزیر برائے ریلوے شیخ رشید احمد نے پبلک اکاؤنٹس کمیٹی کی رکنیت لینے میں دلچسپی کا اظہار کرتے ہوئے کہا ہے کہ وزیراعظم کو رکنیت کے لیے خط لکھوں گا اور پی اے سی میں (ن) لیگ کا احتساب میں کروں گا۔

لاہور میں پریس کانفرنس سے کرتے ہوئے شیخ رشید نے کہا کہ نئی ٹرینوں کے افتتاح کیلئے وزیراعظم عمران خان سے درخواست کی ہے، روہڑی ریلوے اسٹیشن پر 100 سے زائد دکانیں قائم کی جا رہی ہیں اور ایک شاپنگ مال بھی بنایا جائے گا۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

وزیر ریلوے نے کہا کہ 15 دن بعد تمام ریلوے اسٹیشنز پر پولیس کو بھی ٹکٹ چیک کرنے کا اختیار ہوگا، ریلوے سروس استعمال کرنے والوں کیلئے گفٹ اسکیم شروع کرنے کا بھی فیصلہ کیا ہے۔

پبلک اکاؤنٹس کمیٹی سے متعلق سوال پر شیخ رشید کا کہنا تھا کہ وزیراعظم کو خط لکھوں گا کہ اپنا کوئی ممبر ہٹا کر مجھے بھی پی اے سی میں شامل کیا جائے، پبلک اکاونٹس کمیٹی میں (ن) لیگ کا میں احتساب کروں گا۔

انہوں نے ایک بار پھر چیئرمین پی اے سی کے معاملے پر سپریم کورٹ جانے کا اعلان کرتے ہوئےکہا کہ دودھ کی رکھوالی پر بلے کو نہیں بٹھایاجاسکتا، جس کے خلاف 121 کیس ہوں اسے شرم نہیں آتی کہ وہ دوسروں کا احتساب کرے۔

Advertisements
julia rana solicitors london

وزیرریلوے کا کہنا تھا کہ پی ٹی آئی سے تعلق ضرور ہے لیکن میں ایک الگ سیاسی جماعت کی نمائندگی کرتا ہوں، پیر کے روز عمران خان سے پی اے سی کا رکن بننے کی بات کروں گا۔

  • julia rana solicitors
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • merkit.pk
  • julia rana solicitors london

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply