ڈونلڈ ٹرمپ نے بٹ کوائن کو “فراڈ” قرار دے دیا

واشنگٹن: سابق امریکی صدر ڈونلڈ ٹرمپ نے بٹ کوائن کو ڈالر کے خلاف دھوکہ قرار دے دیا۔

غیر ملکی خبر رساں ایجنسی کے مطابق سابق امریکی صدر ڈونلڈ ٹرمپ نے بٹ کوائن کے خلاف بات کرتے ہوئے کہا کہ بٹ کوائن ایسا فراڈ ہے امریکی ڈالر کی قدر کو متاثر کر رہا ہے۔

انہوں نے کہا کہ مجھے پسند نہیں کہ کوئی دوسری کرنسی امریکی ڈالر کا مقابلہ کرے اور ہم ڈالر کو ہی دنیا کی کرنسی کے طور پر دیکھنا چاہتے ہیں۔

ڈونلڈ ٹرمپ نے کہا کہ بٹ کوائن کچھ دیگر روایتی کرنسیوں کی طرح ڈالر کے لیے خطرہ ہے اور میں ڈالر کو عالمی کرنسی بنانے کا خواہشمند ہوں اور میرا ہمیشہ سے یہی مؤقف رہا ہے۔

واضح رہے کہ گزشتہ روز بٹ کوائن کی قیمت میں 6 فیصد کمی واقع ہوئی جس سے فی بٹ کوائن کی قیمت کم ہو کر 30 ہزار 770 ڈالر پر آ گئی۔

گزشتہ کئی ماہ بٹ کوائن کی کرنسی میں مسلسل اضافے کے بعد اب بٹ کوائن کی قیمت میں کمی دیکھی جا رہی ہے۔ رواں سال جنوری میں بٹ کوائن کی قیمت 62 ہزار ڈالر تک پہنچ گئی تھی۔

Advertisements
julia rana solicitors london

سابق امریکی صدر کے بیان کے بعد بٹ کوائن کی قیمت میں 11.2 فیصد کمی ریکارڈ کی گئی، جس کے بعد بٹ کوائن کی قیمت رواں سال کی کم ترین سطح پر آ گئی ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply