لاہور: نون لیگ نے پنجاب میں حکومت سازی کیلئے پیپلز پارٹی سے رابطہ کرلیا۔
تفصیلات کے مطابق گزشتہ شب شہباز شریف کی مخدوم احمد محمود سے ملاقات ہوئی، جس میں پیپلزپارٹی کو پنجاب میں اتحادی بننے کی پیشکش کی گئی۔
شہباز شریف نے جمہوریت کیلئے سی او ڈی پر دستخط بھی یاد دلائے۔ دونوں رہنماؤں میں اتفاق ہوا ہے کہ اب بھی ساتھ چل سکتے ہیں۔
صدر مسلم لیگ نون نے پیپلز پارٹی کے رہنما خورشید شاہ کو ملاقات کی دعوت دی جسے قبول کرلیا گیا۔
خورشید شاہ اور شہباز شریف کی ملاقات آج ہوگی۔ دونوں رہنما انتخابی نتائج کے حوالے سے لائحہ عمل پر تبادلہ خیال کریں گے۔
Facebook Comments
بذریعہ فیس بک تبصرہ تحریر کریں