درجہ حرارت۔۔۔عبدالحنان ارشد

صبح سویرے ناشتے کے بغیر ہی گھر سے نکلنا پڑا۔

کافی دن ہونے کو آئے تھے، ابھی تک یہ پروجیکٹ مکمل ہونے کا نام نہیں لے رہا تھا۔

آتے ہی ورکرز کی خوب سرزنش کی، جلدی ہاتھ چلاؤ، ورنہ میں وقت پر معاوضہ نہیں ادا کروں گا۔

خود گھوم پھر کر کام کی نگرانی کرنے لگا۔

چند لمحوں بعد فون کی گھنٹی بجی۔

دھوپ کی شدت کی وجہ سے دوپہر کو کام کرنے میں مشکل آ رہی ہے، امید ہے کل تک بلڈنگ کے لیے جلد ہی درخت کاٹ کر جگہ صاف ہو جائے گی۔۔۔۔۔۔۔!

یہ کہہ کر لائن کاٹ دی۔۔۔۔

 

عبدالحنان ارشد
عبدالحنان ارشد
عبدالحنان نے فاسٹ یونیورسٹی سے کمپیوٹر سائنس کی ڈگری حاصل کر رکھی ہے۔ ملک کے چند نامور ادیبوں و صحافیوں کے انٹرویوز کر چکے ہیں۔اس کے ساتھ ساتھ آپ سو لفظوں کی 100 سے زیادہ کہانیاں لکھ چکے ہیں۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *