رواں سال جولائی میں ملک بھر میں موسم کی صورتحال کیا رہی، محکمہ موسمیات نے سمری جاری کردی۔

تفصیلات کے مطابق جولائی میں ملک بھر میں معمول سے 70 فیصد زائد بارشیں ہوئیں۔ 23 جولائی کو سب سے زیادہ بارش لاہور میں 206 ملی میٹر ریکارڈ کی گئی۔

رپورٹ کے مطابق جولائی کے دوران ملک بھر میں سب سے زیادہ بارش لاہور میں 668.7 ملی میٹر ریکارڈ ہوئی۔ جولائی کے دوران ملک میں اوسط درجہ حرارت 30.7 ڈگری رہا۔

2 جولائی کو گرم ترین پارہ دالبندین اور یکم سے 3 جولائی کے دوران نوکنڈی بلوچستان میں 47.5 ڈگری ریکارڈ کیا گیا۔ 8 جولائی کو سرد ترین پارہ باگروٹ گلگت بلتستان میں 6.5 ڈگری ریکارڈ کیا گیا۔