میکسیکو کی جنوبی ریاست اوکساکا میں ٹریفک حادثے میں 27 افراد ہلاک اور 21 زخمی ہو گئے۔

غیر ملکی خبر رساں ایجنسی کے مطابق میکسیکو کی جنوبی ریاست اوکساکا میں مسافر بس پہاڑی علاقے میں بے قابو ہو کر گہری کھائی میں جا گری۔ بس حادثے میں 27 مسافر ہلاک جبکہ 21 زخمی ہو گئے۔

ہلاک ہونے والوں میں 13 خواتین اور ایک بچہ بھی شامل ہیں۔ زخمیوں کو فوری طور پر قریبی اسپتال منتقل کیا گیا۔

Advertisements

ریسکیو ذرائع کے مطابق زخمیوں میں سے 12 افراد کی حالت انتہائی تشویشناک ہے اور اموات میں اضافے کا خدشہ ہے۔