10 پاکستانیوں سمیت متعدد غیر ملکی کوہ پیماؤں نے دنیا کی نویں بلند ترین چوٹی نانگا پربت سر کرلی۔

تفیصلات کے مطابق پاکستانی کوہ پیما واجد اللہ نگری، سمینہ بیگ اور نائلہ کیانی سمیت 10 کے قریب کوہ پیماؤں نے دنیا کی نویں بلند اور خطرناک ترین چوٹی ننگا پربت سر کیا، پاکستانی خاتون کوہ پیماہ ثمینہ بیگ نے نانگاپربت چوٹی اتوار کی صبح 11 بجکر 8 منٹ پر سر کر کے سبز ہلالی پرچم لہرایا۔

کوہ پیما ثمینہ بیگ اس سے قبل کےٹو اور ماؤنٹ ایوریسٹ سر کر چکی ہیں جبکہ انہیں 8 ہزار میٹر بلند پہاڑ سر کرنے والی پہلی پاکستانی خاتون کوہ پیما کا اعزاز حاصل ہے۔

قومی کوہ پیما واجد اللہ نگری نے دنیا کی نویں بلند چوٹی نانگا پربت پر قومی پرچم لہرا دیا۔واجد اللہ نگری نے دیامر بیال سیکشن سے اپنی مہم جوئی کا آغاز کیا تھا، واجد اللہ نگری نے یہ کارنامہ اپنی پہلی کوشش میں ہی انجام دیکر ملک و قوم کا نام روشن کیا۔

اس سے قبل واجد اللہ نگری کے ٹو، بورڈ پیک، رکا پوشی اور اسپٹنک پہاڑ بھی سر کرچکے ہیں۔

Advertisements

پاکستانی کوہ پیما نائلہ کیانی نے نانگا پربت کی چوٹی پر کامیابی سے پہنچ کر ناقابل یقین کارنامہ سر انجام دیا، کوہ پیما نائلہ دنیا کی سات بلند ترین چوٹیوں کو سر کرنے والی پاکستانی خاتون ہیں۔