چیئرمین تحریک انصاف عمران خان ودیگرکیخلاف دہشتگردی مقدمات کی تفتیش کیلئے قائم جے آئی ٹی نے رہنماؤں کے شامل تفتیش نہ ہونے پر یکطرفہ کارروائی کا عندیہ دیدیا۔
جے آئی ٹی نے عمران خان سمیت پی ٹی آئی رہنماؤں پر دہشت گردی کے مقدمات کے معاملے میں عمران خان اور دیگر رہنماؤں کو طلبی کے مزید نوٹس بھیجنے کا فیصلہ کرلیا۔
پولیس ذرائع کا کہنا ہے کہ جے آئی ٹی اب تک اس معاملے میں 200 کے قریب افسران و اہل کاروں کے بیان قلم بند کر چکی۔پہلے بھی جے آئی ٹی عمران خان سمیت 17 رہنماؤں کو طلب کر چکی ہے، لیکن تحریک انصاف کا ایک بھی رہنما جے آئی ٹی کے روبرو شامل تفتیش نہیں ہوا۔
پولیس ذرائع کے مطابق تحریک انصاف کے رہنما اگر شامل تفتیش نہیں ہوئے تو جے آئی ٹی یک طرفہ کارروائی کرے گی۔
Facebook Comments
بذریعہ فیس بک تبصرہ تحریر کریں