اسلام آباد: قومی اسمبلی میں طلبہ کا لازمی منشیات ٹیسٹ بل 2022 پیش ہونے کے بعد اکثریت کی مخالفت پر مسترد کردیا گیا۔

پاکستان مسلم لیگ (ن) کی رکن قومی اسمبلی شکیلہ لقمان نے ایوان میں یونیورسٹیوں و کالجوں میں طلبہ کا لازمی منشیات ٹیسٹ بل 2022 پیش کیا تو حکومت کی جانب سے مخالفت کی گئی۔

وفاقی وزیر برائے پارلیمانی امور مرتضیٰ جاوید عباسی نے بل کی مخالفت کرتے ہوئے کہا کہ بل پر غور کیا جا رہا ہے، اسے واپس لیا جائے۔

ایوان میں بل پیش کرنے کے لیے رائے شماری کرائی گئی تو اکثریت نے اس کی مخالفت کی۔

Advertisements

قومی اسمبلی میں طلبہ کا لازمی منشیات ٹیسٹ بل پیش کرنے کے خلاف اکثریت نے ووٹ دیا تو اس کے بعد بل مسترد کردیا گیا۔