یہ برہنہ تصاویر بحیرہ مردار کے پاس بنوائی گئیں، امریکی فوٹو گرافر نے برہنہ افراد کی تصاویر بنائیں، ان تصاویر کا مقصد بحیرہ مردار کو سکڑنے سے بچانے کے لئے عالمی توجہ حاصل کرنے کی کوشش ہے، خبر رساں ادارے کے مطابق بحیرہ مردار اس وقت سکڑ رہا ہے اسے بھی ماحولیاتی تبدیلیوں کے ساتھ ساتھ کناروں پر آباد ممالک کی مقامی علاقوں کی ضروریات اور ترجیحات کا نتیجہ قرار دیا جاتا ہے

امریکی فوٹوگرافر اسپینسر ٹیونِک نے 200 افراد کی ایسی تصاویر بنائی ہیں جو سب برہنہ ہیں اور سب نے اپنے مکمل کپڑے اتار کر جسم پر سفید رنگ لگایا ہوا تھا، اس فوٹو گرافی شوٹ کے لئے اسرائیلی وزارت سیاحت نے تعاون کیا تھا، 200 افراد اتوار کی شام بحیرہ مردار کے پاس جمع ہوئے اور سب نے کپڑے اتارے، سب افراد نے یہ کام رضاکارانہ کیا ،انہیں کسی قسم کا معاوضہ نہیں دیا گیا، کپڑے اتارنے کے بعد انہوں نے اپنے جسموں کو سفید رنگ میں ڈھک دیا، اس کے بعد انکی تصویریں بنائی گئیں یہ تصاویر جنوبی اسرائیلی شہر ارد میں بحیرہ مردار کے ساحل پر بنائی گئی ہیں

ارد نامی شہر بحیرہ مردار سے سولہ کلو میٹر کی مسافت پر حکومتی پلاننگ کے تحت آباد کیا گیا ہے ۔ یہ دو صحراؤں یہودا (جودیا) اور النقب (نگیف) کے سنگم پر واقع ہے اس کی آبادی محض 27 ہزار نفوس کے قریب ہے۔ امریکی فوٹوگرافر نے تین گھنٹے تک مختلف زاویوں اور مقامات پر فوٹوگرافی کی ۔اسرائیلی وزارت سیاحت کا کہنا ہے کہ یہ فنکارانہ فوٹوگرافی بحیرہ مردار کی سیاحت کو بھی مزید مقبول بنائے گی اس وقت کورونا وائرس کی وبا کی وجہ سے اسرائیل میں غیر ملکی سیاحوں کے داخلے پر سخت پابندیاں عائد ہیں جن میں بتدریج نرمی لانے کا سلسلہ جاری ہے۔

Advertisements

امریکی فوٹو گرافر کا کہنا ہے کہ اسرائیل میں آمد ایک خوشگوار تجربہ ہے کیونکہ مشرق وسطیٰ میں یہ واحد ملک ہے جو جمالیاتی فن کی ترویج میں پیش پیش ہے اور اس طرح کی فوٹوگرافی کی اجازت صرف اسی ملک میں ہی مل سکتی ہے