وزیراعظم عمران خان کی زیر صدارت قومی سلامتی کمیٹی کا اجلاس وزیراعظم ہاؤس میں جاری ہے۔
قومی سلامتی کمیٹی اجلاس میں شرکت کے لئے وزیر دفاع پرویز خٹک، وزیر خارجہ شاہ محمود قریشی، وزیر داخلہ شیخ رشید، مشیر قومی سلامتی معید یوسف، آرمی چیف جنرل قمر جاوید باجوہ، ڈی جی آئی بی، پاک فضائیہ اور نیوی کے سربراہ بھی شریک ہیں۔
ذرائع کا بتانا ہے کہ قومی سلامتی کمیٹی کے اجلاس میں ملکی سکیورٹی صورت حال کے علاوہ افغانستان کی بدلتی ہوئی صورت حال پر تبادلہ خیال کیا جائے گا۔
عسکری حکام ملکی قومی سلامتی کے اجلاس میں اندرونی و بیرونی صورت حال اور بارڈر مینجمنٹ پر بریفنگ دیں گے جبکہ مشیر برائے قومی سلامتی امور شرکا کو افغانستان کی بدلتی ہوئی صورت سے متعلق آگاہ کریں گے۔
Facebook Comments
بذریعہ فیس بک تبصرہ تحریر کریں