پاک چین دوستی کے 70سال مکمل

پاک-چین دوستی کے 70 سال مکمل ہونے پر دونوں ممالک کے صدور کے مابین مبارکبادی خطوط کا تبادلہ ہوا ہے۔

دونوں صدور کی سفارتی تعلقات قائم ہونے کے 70 سال مکمل ہونے پر عوام اور حکومتوں کو مبارکباد دی۔

tripako tours pakistan

صدر پاکستان ڈاکٹرعارف علوی نے لکھا کہ ہم اچھے اور برے دونوں وقتوں میں دوست رہے۔ مشکلات کے باوجود اپنے مقاصد کے حصول میں دونوں ممالک نے بے انتہا قربانیاں دیں۔

پاک چین لازوال دوستی خطے میں امن و استحکام کی ضامن ہے۔ چین کی جانب سے کورونا وائرس کے خلاف ویکسین کی فراہمی سے پاکستان میں قیمتی جانوں کو بچایا گیا۔

چینی صدر نے اپنے خط میں لکھا کہ دونوں ممالک کے مابین 70 سالہ دوستی اور اعتماد چٹان کی طرف مضبوط ہے۔

شی جن پنگ نے لکھا کہ پاک چین دوستی دونوں اقوام کا سب سے اہم اسٹریٹجک اثاثہ ہے۔ دونوں ممالک کی مشترکہ کاوشوں سے پاک چین اقتصادی راہداری سے شاندار نتائج ملے۔

پاک چین اقتصادی راہداری سے دونوں ممالک کے عوام کو فائدہ ہوا اور خطے میں خوشحالی آئی۔

دونوں ممالک کے مابین اسٹریٹجک روابط اور عملی تعاون کے فروغ کیلئے آپ کے ساتھ مل کر کام کرنے کا خواہاں ہوں۔

دونوں ممالک کے وزرائے اعظم کے مابین بھی مبارکبا دی خطوط کا تبادلہ ہوا۔ وزیراعظم عمران خان نے چینی ہم منصب کو مبارکباد دی۔

انہوں نے کہا کہ کورونا وبا پر قابو پانے کیلئے چین نے پاکستان کی بے مثال مدد کی۔ ہماری حکومت سی پیک منصوبوں کی جلد تکمیل کیلئے پرعزم ہے۔ پاکستان، چین دوستی پہاڑوں اور پانیوں سے پیوستہ ہے۔

Advertisements
merkit.pk

چینی وزیراعظم نے اپنے خط میں کہا کہ دونوں ملکوں کی دوستی باہمی اعتماد اور معاشی تعاون پر مبنی ہے۔ پاکستان کی خوشحالی اور ترقی کیلئے دعا گو ہیں۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply