فاٹا کی لوئر اورکزئی ایجنسی میں بارودی سرنگ کا دھماکہ ہوا ہے جس کے نتیجے میں ایک قبائلی رہنما جاں بحق جبکہ 2 زخمی ہو گئے سیکیورٹی ذرائع نے بتایا کہ قبائلی رہنما اورکزئی ایجنسی سے ہنگو آرہے تھے کہ ان کی گاڑی بارودی سرنگ سے ٹکرا گئی، جس کے نتیجے میں ایک قبائلی رہنما ملک شاہ موقع پر جاں بحق جبکہ 2 زخمی ہوگئے۔ زخمیوں کو طبی امداد کے لیے قریبی ہسپتال منتقل کردیا گیا۔ دوسری جانب سیکیورٹی فورسز نے علاقے کو گھیرے میں لے کر سرچ آپریشن کا آغاز کردیا۔