زندگی میں بہت زیادہ پیسہ اکٹھا کر لینا کوئی بڑی بات نہیں لیکن زندگی میں جسمانی و ذہنی سکون اور اطمینان ہونا بہت بڑی بات ہے۔ ہو سکتا ہے بظاہر نظر آنے والا ایک کامیاب انسان جو بہت پیسہ مال و دولت ہر آسائش رکھتا ہو لیکن رات کو سکون سے سو بھی نہ پاتا ہو اور اس کے مقابلے میں ایک مڈل کلاس آدمی جو بظاہر بہت کامیاب نظر نہ آتا ہو لیکن عزت کی روٹی کھا کر سکون سے سوتا ہو۔
پیسے اور بیشمار خواہشات کے پیچھے دوڑنے سے بہتر ہے اطمینان کے پیچھے دوڑیں کہ ہمیں سکون کہاں سے اور کیسے ملنا ہے۔خوشیاں باہر ڈھونڈنے کی بجائے گھر میں آس پاس بچوں فیملی میں ڈھونڈیں ۔پیسہ ضروریات کیلئے بنیادی ترجیح ضرور ہے لیکن مقصد حیات بالکل نہیں ہے۔ ماضی کے خوبصورت لمحات کو ساتھ رکھیں جو غلطیاں کوتاہیاں ہوئیں ہیں ان سے سبق پکڑیں۔ مستقبل کی فکر میں ہلکان ہونے کی بجائے حال میں خوش رہیں آنیوالا مستقبل بھی کل کو آپکا حال ہی ہوگا۔ پروردگار ہم سب کے لئے بہت سی آسانیاں پیدا فرمائے۔
Facebook Comments
بذریعہ فیس بک تبصرہ تحریر کریں