اسلام آباد:وزیراعظم عمران خان کی زیرصدارت وفاقی کابینہ کا اجلاس کل ہوگا ،جس میں 20نکاتی ایجنڈا زیرغورآئے گا ۔
تفصیلات کے مطابق،وزیراعظم عمران خان نے وفاقی کابینہ کا اجلاس کل طلب کر لیا ،وفاقی کابینہ بیس نکاتی ایجنڈے پر غور کرے گی ۔
ایجنڈے کے مطابق کابینہ کے فیصلوں پرعملدرآمد کی رپورٹ اجلاس میں پیش کی جائے گی ، انسداد منشیات پالیسی 2018 کابینہ اجلاس میں پیش کی جائے گی۔
کابینہ انفراسٹرکچر،مالیاتی شمولیت کے منصوبوں میں پیپرارولز 2004 کی چھوٹ کی منظوری دے گی،پیپرا رولز 2004 پر چھوٹ وزارت خزانہ نے بھیجی ہے ، اجلاس میں ای او بی آئی کے چیئرمین کی تعیناتی کی منظوری بھی دی جائے گی۔
کابینہ پمز آرڈیننس 2019 کے مسودے کی اصولی منظوری دے گی ، نیشنل ڈیزاسٹر مینجمنٹ ایکٹ 2010 میں ترمیم ، گوادر پورٹ اتھارٹی کے چیئرمین کی تعیناتی اورزرعی ترقیاتی بینک کے صدرکی تعیناتی کی منظوری بھی ایجنڈے میں شامل ہے ۔
کابینہ اجلاس میں آزاد کشمیرکوپانی کے چارجزادا کرنے کیلئے قائم کمیٹی کی سفارشات پیش کی جائیں گی
Facebook Comments
بذریعہ فیس بک تبصرہ تحریر کریں