لاہور:وزیراطلاعات وثقافت پنجاب فیاض الحسن چوہان نے کہا ہے کہ نوازشریف کے دل کا ہر علاج کرائیں گے مگر دل کی خواہش پوری نہیں کریں گے۔
بدھ کو لاہور میں ایک تقریب کے دوران میڈیا سے گفتگو کرتے ہوئے وزیراطلاعات پنجاب نے کہا کہ عمران خان کی قیادت میں ملک کو باوقار بنانے کی کوشش کررہے ہیں، پنجاب حکومت نوازشریف کے دل کا ہر علاج کرائے گی مگر خواہشات پوری نہیں کرے گی۔
فیاض الحسن چوہان نے مزیدکہا شہباز شریف کو خود پبلک اکاؤنٹس کمیٹی کے چیئرمین کا عہدہ چھوڑ دینا چاہیے اور حمزہ شہباز کے ساتھ انہیں بھی کمیٹی میں چیک اینڈ بیلنس کے لیے ممبر بنانا چاہیے۔
تقریب سے خطاب کرتے ہوئے انہوں نے مزیدکہا کہ پاکستانی سب کو عزت دیتے اور قدر کرتے ہیں ،بھارتی وفد کو بتانا چاہتے ہیں کہ ہم کسی مہمان یا اداکار پر سیاہی نہیں پھینکتے۔
Facebook Comments
بذریعہ فیس بک تبصرہ تحریر کریں