اسلام آباد: ملک بھر میں ‘پلانٹ فار پاکستان’ کے نام سے شجرکاری مہم کا آغاز کردیا گیا ہے۔
تفصیلات کے مطابق پاکستان تحریک انصاف کی حکومت کی دس ارب درخت لگانے کی سونامی مہم 2018 کے تحت تقریباً 15 لاکھ پودے لگائے جائیں گے۔
شجر کاری مہم کے دوران ملک بھر کے ایک سو نوے مراکز میں لوگوں کو مفت پودے دیے جائیں گے، اس مہم کا مقصد درخت لگانے کے لیے عوام، تنظیموں، کاروباری اور صنعتی اداروں اور سول سوسائٹی کی حوصلہ افزائی کرنا ہے۔
خیال رہے کہ گزشتہ دنوں وزیراعظم عمران خان نے بھی وزارت خاجہ میں پودا لگا کرشجرکاری مہم کا افتتاح کیا تھا اور حکومت نے 10 ارب پودے لگانے کا اعلان کر رکھا ہے۔
واضح رہے کہ سرسبز پاکستان پروگرام کے تحت ملک بھر میں مون سون کی شجرکاری مہم جاری ہے، اس سال مو ن سون کے دوران قومی سطح پر چار کروڑ 71 لاکھ 40 ہزار پودے لگانے کا ہدف مقرر کیا گیا ہے۔
Facebook Comments
بذریعہ فیس بک تبصرہ تحریر کریں