سپریم کورٹ کی جانب سے دیامر بھاشا اور مہمند ڈیموں کی تعمیر کے لئے قائم کردہ فنڈ میں اندرون اور بیرون ملک سے عطیات دینے کا سلسلہ جاری ہے، تاہم مجموعی طور پر ڈیم فنڈ میں اب تک تقریباً 96کروڑ 42 لاکھ روپے کے عطیات جمع ہوئے ہیں۔ سپریم کورٹ کے دیامر، بھاشا اور مہمند ڈیم فنڈ میں بیرون ملک پاکستانیوں کی جانب سے تقریباً 69لاکھ سے زائد رقوم جمع کرائی گئیں ، جبکہ مجموعی طورپر تقریباً 96کروڑ 42 لاکھ روپے جمع کئے جا چکے ہیں۔ اندرون ملک سے 3 کروڑ 91لاکھ روپے ایس ایم ایس سروس کے ذریعے وصول ہوئے، دوکروڑ 6لاکھ روپے انٹر بینک ٹرانسفر سروس کے ذریعے  جمع کروائے گئے۔