• صفحہ اول
  • /
  • خبریں
  • /
  • یاماہا کی نئی 125 سی سی موٹرسائیکل پاکستان میں متعارف

یاماہا کی نئی 125 سی سی موٹرسائیکل پاکستان میں متعارف

گزشتہ سال کے مقابلے میں اس بار نئی 125 سی سی موٹرسائیکل کا ڈیزائن اور چند فیچرز کو بہتر کیا گیا ہے۔

پروپاکستانی کی ایک رپورٹ کے مطابق کمپنی کو توقع ہے کہ یہ نئی موٹرسائیکل 125 سی سی انجن پسند کرنے والے افراد کے لیے بہترین انتخاب ثابت ہوگا۔

خیال کیا جا رہا ہے کہ یاماہا کی نئی بائیک کمپنی کی جانب سے پہلے متعارف کرائے گئے 3 ماڈلز سے زیادہ کامیاب ہوگی۔

خیال رہے کہ یاماہا اس سے پہلے 2015 اور 2017 میں اس موٹرسائیکل کے ایڈیشن پیش کرچکی ہے۔

4 اسٹروک سنگل سلینڈر موٹرسائیکل کے ٹینک میں 13 لیٹر پٹرول بھرا جاسکتا ہے جبکہ 5 اسپیڈ ٹرانسمیشن دیئے گئے ہیں۔

سیلف اسٹارٹ بٹن کے ساتھ کک اسٹارٹ کا آپشن بھی موجود ہے نئی موٹر سائیکل متعارف کروانے کے لیے لاہور میں خصوصی تقریب کا اہتمام کیا گیا،کمپنی نے دیہی علاقوں میں بائیک کی بڑھتی ہوئی مانگ کو نظر میں رکھ کر نئی بائیک متعارف کروائی۔

گزشتہ سال کے ماڈل میں کمپنی نے ڈسک بریک نہیں دی تھی مگر اس بار فرنٹ ٹائر میں ڈسک بریک دی گئی ہے جبکہ پچھلے پہیے میں ڈرم بریک موجود ہے۔

یاماہا کمپنی نے نئی بائیک کی قیمت کو گزشتہ سال کے مقابلے میں بڑھایا گیا ہے اور یہ ایک لاکھ 30 ہزار 500 روپے رکھی گئی ہے جبکہ 2017 میں یہ مالیت ایک لاکھ 15 ہزار 900 روپے مقرر کی تھی۔

یخیال رہے کہ حالیہ سالوں میں موٹر سائیکل کی فروخت میں بہت تیزی سے اضافہ ہوا ہے، اور 2016 ملک میں 20 لاکھ سے بھی زائد موٹر سائکلیں تیار کی گئیں۔

تیار کی گئی موٹر سائیکلوں میں 17 فیصد 125cc ماڈل کے یونٹس تھے، اور مجموعی طور پر 2016 میں 3 لاکھ 50 ہزار 125cc بائیکس تیار کی گئیں۔

Advertisements
julia rana solicitors london

مالی سال 2016 میں یاماہا ملک بھر میں ہرطرح کی 15 ہزار موٹر سائکلیں فروخت کرنے میں کامیاب ہوئی، تاہم کمپنی کا دعویٰ ہے کہ نئے ماڈل کو متعارف کرانے کے بعد یاماہا بائیکس کی فروخت میں اضافہ ہوگا

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply