ملک میں شدید گرمی اور عیدالاضحیٰ کی آمد کے پیش نظر عوام کو احتیاط کا مشورہ دیتے ہوئے قومی ادارہ صحت نے ایڈوائزری جاری کر دی۔ شہریوں کو کانگو وائرس کے خطرے سے آگاہ کرنے کے ساتھ بیماریوں کی روک تھام کے لیے بروقت اور مناسب اقدامات پر بھی زور دیا گیا۔
تفصیلات کے مطابق ایڈوائزری میں کانگووائرس کے خطرے سے خبردار کرتےہوئے کہا گیا کہ جانوروں کے بالوں میں چھپی چیچڑیاں وائرس کا ذریعہ بن سکتی ہیں، وائرس زدہ شخص صحت مند افراد کو بھی بیمار کرسکتا ہے۔ اس لیے قربانی کے جانوروں کی دیکھ بھال احتیاط کے ساتھ کی جائے۔
قومی ادارہ صحت کی ایڈوائزری میں کہا گیا گرمی میں ہلکے رنگ کے کپڑے پہنیں، جلد یا لباس پر کانگو کی چیچڑی موجود ہو تو محفوظ طریقے سے ہٹائیں۔ عیدکے دنوں میں ایسے مقامات پرنہ جائیں جہاں چیچڑی موجود ہوں۔ احتیاط کی راہ اپنائیں۔ خود بھی بچیں اوردوسروں کوبھی بچائیں۔
ایڈوائزری کے مطابق تیز گرمی میں خود کو سورج کی شعاعوں سے بچائیں۔ ڈی ہائیڈریشن سے بچ کر ہی ہیٹ اسٹروک کو روکا جاسکتا ہے۔ عوام کو ٹائیفائیڈ بخار سے متعلق بھی احتیاط کا مشورہ دیا گیا۔
Facebook Comments
بذریعہ فیس بک تبصرہ تحریر کریں