• صفحہ اول
  • /
  • خبریں
  • /
  • خاتون نے عالمی ریکارڈ توڑ دیا،ایسا کونسا کارنامہ سرانجام دیا ؟جانیے

خاتون نے عالمی ریکارڈ توڑ دیا،ایسا کونسا کارنامہ سرانجام دیا ؟جانیے

ایک امریکی خاتون نے حیرت انگیز کارنامہ انجام دیتے ہوئے سوزن کاری کا عالمی ریکارڈ توڑ دیا۔

غیر ملکی میڈیا رپورٹس کے مطابق ریاست واشنگٹن کے ایک شہر گگ ہاربر سے تعلق رکھنے والی خاتون الیسانڈرا ہیڈن نے مسلسل 34 گھنٹے اور 7 منٹ تک کروشیا (سوزن کاری) کے ذریعے کپڑا بُن کر نیا عالمی ریکارڈ قائم کر دیا ہے۔

گنیز ورلڈ ریکارڈز کی تنظیم نے بھی نئے ریکارڈ کی تصدیق کر دی ہے، الیسانڈرا نے بتایا کہ وہ اس نے اپنی دادی سے 8 سال کی عمر میں کروشیا کرنا سیکھا تھا، اور وہ ریکارڈ ہولڈر بننا چاہتی تھیں۔
الیسانڈرا نے کروشیا سیکھنے کی دل چسپ وجہ یہ بتائی کہ وہ زیادہ بھاگ دوڑ کرتی تھیں اور ان کی دادی ان کے پیچھے نہیں بھاگ سکتی تھیں، اس لیے دادی نے چالاکی سے انھیں سوزن کاری سکھا دی، تاکہ وہ ایک جگہ بیٹھ کر مصروف رہے۔

خاتون کے مطابق ان کے خاندان نے بھی اس ریکارڈ کے سلسلے میں ان کی بہت مدد کی، ان کے شوہر نے گواہوں اور کاغذی کارروائی کی ذمہ داری سنبھالی، جب کہ بیٹی دن بھر انھیں ضرورت کے مطابق اسنیکس اور پانی یا کافی اور انرجی ڈرنکس دیتی رہی۔

Advertisements
julia rana solicitors

ایک اور دل چسپ بات یہ تھی کہ الیسانڈرا نے اس ریکارڈ کے دوران جو کمبل بُنا، وہ ان کی بیٹی نے اسکول کی نیلامی میں عطیہ کر دیا تھا، تاہم جس دوست نے 2 ہزار ڈالر میں اسے خریدا، اس نے تحفے کے طور پر اسے واپس الیسانڈرا کو دے دیا۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply