برطانوی وزیراعظم رشی سوناک تمباکو نوشی کیخلاف دنیا کے سخت ترین اقدامات متعارف کرانے پر غور کر رہے ہیں۔

رپورٹ کےمطابق رشی سوناک بھی نیوزی لینڈ کی جانب سے لائے گئے اقدامات سے ملتے جلتے اقدامات پر غور کر رہے ہیں جس میں تمباکو نوشی کی قانونی عمر میں مسلسل اضافہ بھی شامل ہے۔ برطانوی حکومت کی جانب سے ہسپتال میں ڈاکٹروں سے ملاقات نہ کرنے پر لوگوں پر 10 پاؤنڈ جرمانہ بھی عائد کیا جا سکتا ہے، رشی سوناک گزشتہ برس انتخابی مہم کے دوران اس بات کا اعلان کرچکے تھے۔

نیوزی لینڈ کی طرز کی انسداد تمباکو نوشی کی پالیسی کا مطلب ہوگا کہ اگلی نسل کیلئے سگریٹ کو مکمل طور پر ختم کر دیا جائے گا۔سابق وزیر اعظم جیسنڈا آرڈرن کے دور میں نیوزی لینڈ نے بھی تمباکو کی مصنوعات میں نکوٹین کی مقدار کو کم کرنے اور انہیں سہولت اسٹورز اور سپر مارکیٹوں کے بجائے صرف خصوصی تمباکو اسٹورز کے ذریعے فروخت کرنے کی قانون سازی کی تھی۔

Advertisements

برطانیہ کی لیبر پارٹی نے کہا تھا کہ وہ نیوزی لینڈ کی طرح نوجوانوں کیلئےسگریٹ کی فروخت کو مرحلہ وار ختم کرنے پر مشاورت کر رہی ہے۔