یونان میں پاکستانی سفارتخانے نے کشتی حادثے میں جاں بحق ہونے والے پاکستانیوں کی تفصیلات جاری کر تے ہوئے 15پاکستانیوں کی موت کی تصدیق کردی۔

ایتھنز میں پاکستانی سفارت خانے نے ٹوئٹر پر پندرہ پاکستانیوں کے نام جاری کئے ہیں۔جو یونان کشتی حادثے میں جاں بحق ہوئے تھے۔فہرست کے مطابق چھ افراد کا تعلق گجرات ،چار کا گوجرانوالہ ،ایک کا شیخورپوہ ،منڈی بہاالدین ،وہاڑی ،میرپورآزاد کشمیر اورراولپنڈی سےہے،تمام افراد کے شناختی کارڈ نمبر بھی جاری کئے گئے ہیں۔

یونان میں پاکستانی سفارتخانے کے ترجمان کا کہنا ہے کہ ایتھز میں یونانی حکام سے مسلسل رابطے میں ہیں۔۔۔ تاکہ میتیوں کو جلد ازجلد پاکستان لانے کے انتظامات کئے جاسکیں۔

Advertisements

واضح رہے کہ یونان میں تارکین وطن کی کشتی کو حادثہ چودہ جون کو پیش آیا تھا۔جس میں پاکستانیوں سمیت ساڑھے سات سو کے قریب افراد موجود تھے۔امدادی ٹیموں نے بیاسی افراد کی لاشوں کو نکالا اورسو سے زائد افراد کو زندہ بچایا گیا۔