کینیڈا میں گاندھی کے مجسمے کا سر اڑا دیا گیا، بھارتی سفارتخانے کا احتجاج، قصوروار کا پتہ چلا کر سخت سزا دئیے جانے کا مطالبہ کیا ہے۔

رپورٹ کے مطابق برطانوی کولمبیا علاقہ میں ایک یونیورسٹی احاطہ میں موجود مہاتما گاندھی کے مجسمہ کے ساتھ توڑ پھوڑ کی گئی ہے۔ چند دنوں پہلے کی ہی بات ہے جب کناڈا میں گاندھی کے ایک مجسمہ کو خالصتان حامیوں کے ذریعہ نشانہ بنایا گیا تھا۔ اب تازہ واقعہ نے حکومت کناڈا کے سامنے کئی سوال کھڑے کر دیئے ہیں۔

Advertisements

وینکوور واقع ہندوستان کے قونصلیٹ جنرل نے منگل کے روز جانکاری دی کہ تازہ واقعہ میں سائمن فریزر یونیورسٹی کے برنابی احاطہ واقع پیس اسکوائر پر لگائی گئی مہاتما گاندھی کی مورتی کو نقصان پہنچایا گیا ہے۔ قونصلیٹ جنرل نے ایک ٹوئٹ میں لکھا ہے کہ ’’ہم امن کے سفیر مہاتما گاندھی جی کی مورتی کو نقصان پہنچانے کے جرم کی سخت مذمت کرتے ہیں۔‘‘ بیان میں یہ بھی کہا گیا ہے کہ ’’کناڈائی افسران سے اس معاملے میں فوری جانچ کرنے اور قصورواروں کو جلد انصاف کے کٹہرے میں لانے کی گزارش کی جاتی ہے۔‘‘