دسمبر سولہ اور ہمارا مان۔۔عامر کاکازئی

ایک ظلم کی کہانی کا اختتام سولہ دسمبر اکہتر میں بنگال میں ہوا۔ اور دوسری ظلم کی کہانی کا ایک باب پختون خوا  میں سولہ دسمبر 2014 کو تحریر ہوا۔ دونوں کہانیاں معصوم لوگوں کے خون سے لکھی گئیں  اور دونوں میں مشترک بات صرف ایک ہے کہ دونوں کہانیوں ان کے ساۓ تلے لکھی گئیں  ، جن پر ہمیں مان تھا۔ جو ہمارے نگہدار تھے۔ گلزار صاحب کی ایک نظم “اجازت” سے متاثر ہو کر کھینچی گئی  کچھ لکیریں۔

Advertisements
julia rana solicitors london

میرا مان تمھارے پاس پڑا ہے
وہ ہمیں لوٹا دو
میرا وہ مان لوٹا دو
ایک ملک میں ہم رہ رہے تھے
آدھے دُکھ آدھے سُکھ کے ساتھ
سُکھ تو ہم لے آئے تھے
دُکھ شاید پلٹن میں رہ گیا
وہ واپس دلوا دو
میرا وہ مان لوٹا دو
وہ تیرا اَبِھمان مگر ہمارا مان
ہمارا مان ہمیں لوٹا دو
انیس سال کے جبر کے دن
بار بار اپنے ہی علاقے فتح کرنا
کبھی اسلام کے جھوٹ موٹ کے وعدے
کبھی ہم سے جھوٹ موٹ کے شکوے
کبھی ہمارے بچوں کی جاں ستانی
کبھی نہاں ہو جانا ہمارے پیاروں کا
یاد کروا دوں
ہمیں ہمارے پیارے لوٹا دو
ہمارا مان ہمیں لوٹا دو
ایک اجازت دے دوں بس
جب ان کی تدفین کر دو
تب ہمیں بھی تہِ خاک کر دینا
ہمارا مان ہمیں لوٹا دو
ہمارے پیارے ہمیں لوٹا دو
ہمارا تم پر مان، ہمارے نِگہبان
ہمارے بچے ہمیں لوٹا دو!

Facebook Comments

عامر کاکازئی
پشاور پختونخواہ سے تعلق ۔ پڑھنے کا جنون کی حد تک شوق اور تحقیق کی بنیاد پر متنازعہ موضوعات پر تحاریر لکھنی پسند ہیں۔

بذریعہ فیس بک تبصرہ تحریر کریں

Leave a Reply