• صفحہ اول
  • /
  • خبریں
  • /
  • لانگ مارچ: کارکنوں کو قیادت نے اکسایا، آئی جی اسلام آباد نے رپورٹ سپریم کورٹ میں پیش کر دی

لانگ مارچ: کارکنوں کو قیادت نے اکسایا، آئی جی اسلام آباد نے رپورٹ سپریم کورٹ میں پیش کر دی

آئی جی اسلام آباد نے پی ٹی آئی دھرنے سے متعلق رپورٹ سپریم کورٹ میں جمع کرا دی، رپورٹ میں کہا گیا ہے کہ پی ٹی آئی نے اسلام آباد انتظامیہ کو 23 مئی کو سرینگر ہائی وی پر احتجاج کی درخوست دی، اسلام آباد انتظامیہ نے سپریم کورٹ کے فیصلہ پر عمل کیا اور تحفظ کے لیے ریڈ زون جانے والے راستے بند کر دیے گئے۔

سپریم کورٹ کے حکم کے بعد پولیس، رینجرز اور ایف سی کو مظاہرین کے خلاف ایکشن سے روک دیا گیا، مظاہرین کے گروپ ڈی چوک کی جانب جانا شروع ہو گئے، مظاہرین کو قیادت کی جانب سے رکاوٹیں ہٹانے اور پولیس کے ساتھ مزاحمت کی ترغیب دی گئی، آئی جی نے رپورٹ میں کہا کہ مظاہرین مسلح تھے۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

مظاہرین نے پولیس اور رینجرز پر پتھرائو بھی کیا، اور پولیس پر گاڑیاں بھی چڑھائیں، مظاہرین کی جانب سے کنٹینرز ہٹانے کے لیے بھاری مشینری کا استعمال بھی کیا گیا، مظاہرین کی جانب سے درختوں کو جلایا گیا، عمران اسماعیل، سیف نیازی، زرتاج گل اور دیگر کی قیادت میں دو ہزار مظاہرین ریڈ زون کی رکاوٹیں ہٹانے کی متعدد کوششیں کرتے ریڈ زون میں داخل ہوئے۔

مظاہرین کو ہٹانے کے لیے پولیس نے آنسو گیس کا استعمال کیا، مظاہرین پارٹی قیادت کے تحت منظم انداز میں ریڈ زون داخل ہوئے، ڈی چوک پہنچنے کے لیے فواد چوہدری، سیف نیازی، زرتاج گل نے کارکنان کو ریڈ زون پہنچنے کے لیے اکسایا،سوشل میڈیا بیانات میں کارکنوں کو عمران خان کے استقبال کے لیے ریڈ زون پہنچنے کا کہا گیا، انتظامیہ کی جانب سے سوشل میڈیا اور میڈیا پر اعلانات کیے گئے کے مظاہرین ریڈ زون سے دور رہیں، مظاہرین کی جانب سے ریڈ زون میں داخلے کی کوششوں کو روکنے کے لیے ضروری اقدامات اٹھائے گئے،مظاہرین کی جانب سے پتھرائو کے باعث 23 سیکورٹی اہلکار زخمی ہوئے۔

Advertisements
julia rana solicitors london

پولیس کی جانب سے طاقت کے استعمال سے پر حد تک گریز کیا گیا،خدشات بڑھنے پر آرٹیکل 245 کے تحت فوج کو طلب کیا گیا، دو سو سے تین سو مظاہرین کنٹینرز ہٹا کر ریڈ زون میں داخل ہوئے، مظاہرین کو جی نائین اور ایچ نائین کے درمیان واقع جلسہ گاہ پہنچنے کے لیے کوئی رکاوٹ نہ تھی، مظاہرین ڈی چوک جانے والی رکاوٹوں کو عبور کر کے ریڈ زون داخل ہوئے، مظاہرین میں سے کوئی بھی مختص کردہ جلسہ گاہ نہ پہنچا،پولیس نے 77 لوگوں کو 19 مختلف مقدمات میں گرفتار کیا۔

  • merkit.pk
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors london
  • julia rana solicitors

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply