ڈپٹی اسپیکر پنجاب اسمبلی دوست محمد مزاری نے ٹوئٹر پر حالیہ سیاسی صورتحال پر تبصرہ کرتے ہوئے ایک بیان میں کہا ہے کہ میں نے قاسم سوری بننے سے انکار کردیا ہے۔

انہوں نے اپنی ٹویٹ میں لکھا کہ میں آئین سے غداری کا مرتکب نہیں ہوسکتا، چاہے عمران خان مجھ پر غداری کا لیبل لگادیں۔

دوست محمد مزاری کی جانب سے تنقید پر ڈپٹی اسپیکر قومی اسمبلی قاسم سوری نے بھی  انہیں آڑے ہاتھوں لیا  اور ٹوئٹر پر ہی ان کی تنقید کا جواب دیتے ہوئے جوابی ٹویٹ داغ دیا۔

قاسم سوری نے اس ٹویٹ کے جواب میں لکھا کہ آپ قاسم خان سوری بن بھی نہیں سکتے۔

Advertisements

انہوں نے کہا کہ قاسم خان سوری بننے کے لیے خون میں وفا، بہادری، جذبہ، دھرتی ماں سے محبت، غلامی سے نفرت، ذہنی آزادی، زندہ ضمیر چاہیے ہوتاہے۔