اسلام آباد: سول ایوی ایشن اتھارٹی (سی اے اے ) نے اندرون ملک فضائی سفر کرنے والے مسافروں کے لیے نیا حکمنامہ جاری کردیا ہے۔

وفاقی حکومت کی ہدایت پر اندرون ملک سفر کرنے والے تمام مسافروں کے لیے لازمی قرار دیا گیا ہے کہ ان کے ٹکٹس پر شناختی کارڈ نمبر درج ہوں۔

سی اے اے کی جانب سے اعلان کردہ پابندی کا اطلاق 18 سال سے کم عمر مسافروں پر نہیں ہو گا۔

ذرائع کے مطابق سی اے اے کی جانب سے تمام ایئر لائنز کو اس ضمن میں ہدایات بھی جاری کردی گئی ہیں۔

سی سی اے کا کہنا ہے کہ وفاقی حکومت کی ہدایت پر جاری کردہ حکمنامے پر عمل درآمد فوری طور پر کیا جائے گا۔

Advertisements

سی اے اے کی جانب سے ملنے والی ہدایات کے پیش نظر تمام ایئر لائنز اپنے آن لائن ٹکٹ اجرا کے سسٹم میں ضروری تبدیلیاں کر رہی ہیں۔