ممبئی: بالی ووڈ کے کنگ خان کے بیٹے آریان خان کی ضمانت ممتاز اداکارہ جوہی چاؤلہ نے دی ہے اور انہوں نے ہی ان کے ضمانتی مچلکوں پر دستخط کیے ہیں۔

بھارت کے مؤقر اخبار ہندوستان ٹائمز کے مطابق جوہی چاؤلہ نے آریان خان کی ضمانت منظوری کو بڑا ریلیف قرار دیتے ہوئے کہا ہے کہ اب ہمارا بچہ گھر آجائے گا۔

اخبار کے مطابق آریان خان کی ضمانت دینے کے لیے جوہی چاؤلہ جمعہ کے دن عدالت میں موجود تھیں اور انہوں نے ایک لاکھ بھارتی روپوں کے ضمانتی مچلکوں پر دستخط کیے۔ اس طرح وہ آریان خان کی ضامن بنیں۔

آریان خان کے وکیل ستیش مان شیندے کا کہنا ہے کہ جوہی چاولہ آریان کو بچپن سے جانتی ہیں کیونکہ وہ ان کے والد کے ساتھ پیشہ ورانہ طور پر وابستہ رہی ہیں۔

Advertisements

واضح رہے کہ شاہ رخ خان اور جوہی چاؤلہ نے ایک ساتھ کئی فلموں میں کام کیا ہے اور وہ ایک دوسرے کے اچھے دوست کہلائے جاتے ہیں۔