نئی صبح۔۔۔عامر صدیقی/مختصر کہانی

موسمِ بہار کے پہلے روز، سُونی، سخت، کٹھور اور بنجر زمین نے ایک طویل، مدہوشی بھری نیند سے بیدار ہوکر، سبز رنگ کے کپڑے پہن لئے۔موسمِ بہار کی نرم گرم، زندگی بھری اور خوشبودار ہوا، ایک مہربان ماں کی طرح سبھی کوچھوتی ہوئی محسوس ہونے لگی ، سبھی کے پھیپھڑوں میں ٹھنڈک سی بھرنے لگی اور دلوں میں چپکے سے اترتی ہوئی محسوس ہو نے لگی۔ سبھی آزادی کی چاہ میں مبہم اور برسوں کے زنگ میں آلودہ، مگر آزمائے ہوئے تجربات میں لگ گئے۔
ہنسنے، بولنے کے تجر بات۔
ہنسنے دینے، بولتے دینے کے تجربات۔
گانے، گنگنانے کے تجربات۔
گانے دینے، گنگنانے دینے کے تجربات۔
سانس لینے کے تجربات۔
سانس لینے دینے کے تجر بات۔
جینے کے تجر بات۔
جینے دینے کے تجربات۔
موسمِ بہار کے ہر رنگ کو اپنے اندر سمو لینے کے لئے تجربات۔
نشیلے موسم میں کسی کو ساتھ لے کر،گھومنے کے تجربات ۔
گزری سردیاں غیر معمولی طور پر شدید ہونے کی وجہ سے، اس موسمِ بہار کی روح مکمل طور پر نشے میں تھی، اور چاہتی تھی کہ سب اسی کی طرح ہو جائیں ۔ وہ ہر سیپ کے اندر کسی موتی کی تشکیل ہوتے دیکھنا چاہتی تھی۔ یہی وجہ تھی کہ اس صبح جاگنے پر، میں نے سب سے پہلے اور بہت عرصے بعد، ایک فرحت بخش انگڑائی لی، پھر میں نے اپنی کھڑکی سے باہر دیکھا ۔ میں نے دیکھا کہ نیلے آسمان میں ایک مہربان ،گرم، چمکیلا سورج، میرے ہمسایوں کے گھروں کے اوپر ، گرمی جوشی سے چمک رہا تھا۔ اس کی گرم جوشی میں،کسی باپ کی سی محبت تھی۔ کھڑکیوں میں لٹکے پردے جھوم جھوم کر لہرا رہے تھے۔کیوں کہ بادِ نسیم ا یک رسیلا، میٹھا گیت مدھر طریقے سے گا رہی تھی اور سڑکوں پر نکل آئے، لوگ مسرور اور شاداں گھوم رہے تھے۔اور رہی گا ڑیوں کی آوازیں،وہ اب سماعتوں پر گراں نہیں رہی تھیں،وہ آوازیں،اب ایک جیوک بوکس میں تبدیل ہو چکی تھیں۔
میں باہر چلا گیا، اپنی روح کو روشن کرنے کے لئے۔
مجھے پتہ نہیں ، مگر ایسا تھا ضرور کہ جو مجھ سے ملا،مسکرا کر ملا، یہاں تک کے میرا بد ترین دشمن بھی، اگر اُسے اب بھی دشمن کہا جائے تو۔ محبت کی ہوا ، گرم روشنی کو، اپنے جلو میں لئے سبھی تک پہنچ گئی۔ تقریباً سبھی نے ایک زبان ہوکر کہا کہ اب سارے شہر میں محبت کی ہوا بہہ رہی ہے۔ لمبی، اندھیری، سرد راتیں اب قصہء پارینہ ہیں۔ان تمام نوجوان عورتوں کو، جنھوں نے مقدس کتاب کی قسم کھا کر آئندہ بچے پیدا نہ کرنے کی قسمیں کھائی تھیں، اب جب میں نے اس صبح ، انہیں سڑکوں پر دیکھا،تو ان کی آنکھوں کی گہرائی میں پوشیدہ چمک، ایک عزم، ایک ولولہ دیکھ کر، میں نے اچانک اوپر دیکھا، سورج میری ہی طرف دیکھ رہا تھا اور مسکرا رہا تھا۔

Facebook Comments

عامر صدیقی
لکھاری،ترجمہ نگار،افسانہ نگار،محقق۔۔۔ / مائکرو فکشنسٹ / مترجم/شاعر۔ پیدائش ۲۰ نومبر ۱۹۷۱ ؁ ء بمقام سکھر ، سندھ۔تعلیمی قابلیت ماسٹر، ابتدائی تعلیم سینٹ سیوئر سکھر،بعد ازاں کراچی سے حاصل کی، ادبی سفر کا آغاز ۱۹۹۲ ء ؁ میں اپنے ہی جاری کردہ رسالے سے کیا۔ ہندوپاک کے بیشتر رسائل میں تخلیقات کی اشاعت۔ آپ کا افسانوی مجموعہ اور شعری مجموعہ زیر ترتیب ہیں۔ علاوہ ازیں دیگرتراجم و مرتبہ نگارشات کی فہرست مندرجہ ذیل ہے : ۱۔ فرار (ہندی ناولٹ)۔۔۔رنجن گوسوامی ۲ ۔ ناٹ ایکیول ٹو لو(ہندی تجرباتی ناول)۔۔۔ سورج پرکاش ۳۔عباس سارنگ کی مختصرسندھی کہانیاں۔۔۔ ترجمہ: س ب کھوسو، (انتخاب و ترتیب) ۴۔کوکلا شاستر (ہندی کہانیوں کا مجموعہ ) ۔۔۔ سندیپ میل ۵۔آخری گیت اور دیگر افسانے۔۔۔ نینا پال۔۔۔۔ (انتخاب و ترجمہ) ۶ ۔ دیوی نانگرانی کی منتخب غزلیں۔۔۔( انتخاب/ اسکرپٹ کی تبدیلی) ۷۔ لالٹین(ہندی ناولٹ)۔۔۔ رام پرکاش اننت ۸۔دوڑ (ہندی ناولٹ)۔۔۔ ممتا کالیا ۹۔ دوجی میرا (ہندی کہانیوں کا مجموعہ ) ۔۔۔ سندیپ میل ۱۰ ۔سترہ رانڈے روڈ (ہندی ناول)۔۔۔ رویندر کالیا ۱۱۔ پچاس کی دہائی کی بہترین ہندی کہانیاں(۱۹۵۰ء تا ۱۹۶۰ء) ۔۔۔۔(انتخاب و ترجمہ) ۱۲۔ ساٹھ کی دہائی کی بہترین ہندی کہانیاں(۱۹۶۰ء تا ۱۹۷۰ء) ۔۔۔۔(انتخاب و ترجمہ) ۱۳۔ موہن راکیش کی بہترین کہانیاں (انتخاب و ترجمہ) ۱۴۔ دس سندھی کہانیاں۔۔۔۔ (انتخاب و ترجمہ) ۱۵۔ قصہ کوتاہ(ہندی ناول)۔۔۔اشوک اسفل ۱۶۔ ہند کہانی ۔۔۔۔جلد ایک ۔۔۔۔ (انتخاب و ترجمہ) ۱۷۔ ہند کہانی ۔۔۔۔جلد دوم۔۔۔۔ (انتخاب و ترجمہ) ۱۸۔ ہند کہانی ۔۔۔۔جلد سوم ۔۔۔۔ (انتخاب و ترجمہ) ۱۹۔ہند کہانی ۔۔۔۔جلد چہارم ۔۔۔۔ (انتخاب و ترجمہ) ۲۰۔ گنگا میا (ہندی ناول)۔۔۔ بھیرو پرساد گپتا ۲۱۔ پہچان (ہندی ناول)۔۔۔ انور سہیل ۲۲۔ سورج کا ساتواں گھوڑا(مختصرہندی ناول)۔۔۔ دھرم ویر بھارتی ۳۲ ۔بہترین سندھی کہانیاں۔۔۔ حصہ اول۔۔۔۔ (انتخاب و ترجمہ) ۲۴۔بہترین سندھی کہانیاں ۔۔۔ حصہ دوم۔۔۔۔ (انتخاب و ترجمہ) ۲۵۔سب رنگ۔۔۔۔ حصہ اول۔۔۔۔(مختلف زبانوں کی منتخب کہانیاں) ۲۶۔ سب رنگ۔۔۔۔ حصہ دوم۔۔۔۔(مختلف زبانوں کی منتخب کہانیاں) ۲۷۔ سب رنگ۔۔۔۔ حصہ سوم۔۔۔۔(مختلف زبانوں کی منتخب کہانیاں) ۲۸۔ دیس بیرانا(ہندی ناول)۔۔۔ سورج پرکاش ۲۹۔انورسہیل کی منتخب کہانیاں۔۔۔۔ (انتخاب و ترجمہ) ۳۰۔ تقسیم کہانی۔۔۔۔حصہ اول۔۔۔۔(انتخاب و ترجمہ) ۳۱۔سورج پرکاش کی کہانیاں۔۔۔۔(انتخاب و ترجمہ) ۳۲۔ذکیہ زبیری کی بہترین کہانیاں(انتخاب و ترجمہ) ۳۳۔سوشانت سپریہ کی کہانیاں۔۔۔۔(انتخاب و ترجمہ) ۳۴۔منتخب پنجابی کہانیاں ۔۔۔۔حصہ اول۔۔۔۔(انتخاب و ترجمہ) ۳۵۔منتخب پنجابی کہانیاں ۔۔۔۔حصہ دوم۔۔۔۔(انتخاب و ترجمہ) ۳۶۔ سوال ابھی باقی ہے (کہانی مجموعہ)۔۔۔راکیش بھرامر ۳۷۔شوکت حسین شورو کی سندھی کہانیاں۔حصہ اول۔۔۔۔(انتخاب و ترجمہ) ۳۸۔شوکت حسین شورو کی سندھی کہانیاں۔حصہ دوم۔۔۔۔(انتخاب و ترجمہ) ۳۹۔شوکت حسین شورو کی سندھی کہانیاں۔حصہ سوم۔۔۔۔(انتخاب و ترجمہ) تقسیم کہانی۔ حصہ دوم(زیرترتیب ) گناہوں کا دیوتا(زیرترتیب ) منتخب پنجابی کہانیاں حصہ سوم(زیرترتیب ) منتخب سندھی کہانیاں حصہ سوم(زیرترتیب ) کبیر کی کہانیاں(زیرترتیب )

بذریعہ فیس بک تبصرہ تحریر کریں

Leave a Reply