جنگ کے لیے وہ بھی تیار ہیں

اور ہم بھی اتاولے ہو رہے ہیں
کوتاہ نظر کہتے ہیں
جنگ کا کوئی فائدہ نہیں
وہ شاید نہیں جانتے کہ
جنگ جرائم کو چھپاتی
اور ناکامیوں پر پردہ ڈال دیتی ہے
کوئی نہیں پوچھے گا کہ
ممبئی میں اتنا تعفن کیوں ہے
اور کراچی میں پینے کا پانی بھی کیوں میسر نہیں
دہلی کی عصمت دریدہ کلیوں
اور اے پی ایس میں مسئلے گئے پھولوں کو
لوگ جنگ کے پہلے دن ہی بھول جائیں گے
اُن کے نیتا جی اور ہمارے عوامی رہنما
دونوں کو خبر ہے
کہ جنگ جادو کی چھڑی ہے
الیکشن جیتے کے لیے
بجٹ بڑھانے کے لیے
اور توجہ ہٹانے کے لیے