جنگ کے لیے وہ بھی تیار ہیں
Advertisements
اور ہم بھی اتاولے ہو رہے ہیں
کوتاہ نظر کہتے ہیں
جنگ کا کوئی فائدہ نہیں
وہ شاید نہیں جانتے کہ
جنگ جرائم کو چھپاتی
اور ناکامیوں پر پردہ ڈال دیتی ہے
کوئی نہیں پوچھے گا کہ
ممبئی میں اتنا تعفن کیوں ہے
اور کراچی میں پینے کا پانی بھی کیوں میسر نہیں
دہلی کی عصمت دریدہ کلیوں
اور اے پی ایس میں مسئلے گئے پھولوں کو
لوگ جنگ کے پہلے دن ہی بھول جائیں گے
اُن کے نیتا جی اور ہمارے عوامی رہنما
دونوں کو خبر ہے
کہ جنگ جادو کی چھڑی ہے
الیکشن جیتے کے لیے
بجٹ بڑھانے کے لیے
اور توجہ ہٹانے کے لیے
Facebook Comments
بذریعہ فیس بک تبصرہ تحریر کریں