اسلام آباد:وزیر اعظم عمران خان بھی محکمہ آرکیالوجی خیبر پختونخوا ڈاکٹرعبدالصمد کی حمایت میں سامنے آگئے۔
ہفتے کو وزیر اعظم عمران خان نے محکمہ آرکیالوجی خیبر پختونخوا کے ڈائریکٹر عبدالصمدکی حمایت میں ٹویٹ کیا۔
عمران خان نے لکھا ہے کہ چیئرمین نیب ادارے میں موجود اس شرمناک حرکت کے ذمہ دار عناصر کیخلاف کارروائی کرے۔
ڈاکٹر عبدالصمد کو دو روز قبل نیب نے اختیارات کے ناجائز استعمال اور غیر قانونی بھرتیوں کیس میں گرفتار کیا تھا جبکہ گزشتہ روز پشاور کے احتساب عدالت نے ڈاکٹر عبدالصمد کو 10روزہ جسمانی ریمانڈ پر نیب کے حوالے کیا۔
وزیر اعظم عمران سے قبل خیبر پختونخوا کے وزیر سیاحت عاطف خان نے بھی ڈائریکٹر کی گرفتاری کیخلاف ٹویٹ کیا تھا ۔
Facebook Comments
بذریعہ فیس بک تبصرہ تحریر کریں