لاہور:پنجاب میں حکومت سازی کا آخری مرحلہ شروع ہوگیا، قائد ایوان کے انتخاب کیلئے ووٹنگ 19اگست کو ہوگی۔

پنجاب اسمبلی کے اسپیکر اور ڈپٹی اسپیکر تو منتخب ہوگئے، اب گلا مرحلہ پنجاب کے وزیراعلیٰ کے انتخاب کا ہے،18اگست کو شام 5بجے تک وزیراعلیٰ پنجاب کیلئے کاغذات نامزدگی اسمبلی سیکرٹریٹ میں جمع ہوں گے جبکہ وزیراعلیٰ کا انتخاب 19اگست کی صبح 11بجے ہوگا۔

مسلم لیگ (ن)اور پاکستان تحریک انصاف نے اپنی اپنی حکمت عملی مرتب کرنا شروع کردی ۔

(ن) لیگ کی جانب سے حمزہ شہباز وزیراعلیٰ کے امیدوار ہیں جبکہ تحریک انصاف کے امیدوار کا اعلان آج شام تک متوقع ہے۔

حمزہ شہباز نے الیکشن کی حکمت عملی طے کرنے کیلئے پنجاب پارلیمانی پارٹی کا اجلاس بھی طلب کررکھا ہے۔

Advertisements

تحریک انصاف کے ذرائع کے مطابق عمران خان وزیراعظم کے انتخاب کے بعد اسلام آباد میں سینئر رہنماؤں کے اجلاس میں پنجاب کے وزیراعلیٰ سے متعلق حتمی نام کا اعلان کریں گے۔