ملک بھر میں آزادی کا جشن پورے جوش وخروش سے منایا جارہا ہے۔ لگتا ہے پورا ملک ہی سبزاور سفید رنگ میں رنگ گیا ہے۔

جناح کنونشن سینٹر اسلام آباد میں جشن آزادی کے موقع پر پرچم کشائی کی پر وقار تقریب جاری ہے، جس میں صدر ممنون حسین تقریب کے مہمان خصوصی ہیں۔

تقریب میں غیر ملکی مہمانوں کی بڑی تعداد بھی شریک ہے۔ طلبہ نے ملی نغمے پیش کرکے جہاں لہو گرمایا، وہیں علاقائی رقص نے ملی یکجہتی کے رنگوں کو مزید خوبصورت بنا دیا۔

وطن عزیز کی آزادی کا، شایان شان جشن۔ اسلام آباد کے جناح کنونشن سینٹر

میں پرچم کشائی کی پر وقار تقریب ہوئی۔ صدر، وزیراعظم، تینوں مسلح افواج کے سربراہان اور غیر ملکی سفیروں سمیت اہم شخصیات نے شرکت کی۔

صدر ممنون حسین اور نگراں وزیراعظم نے سبز ہلالی پرچم فضا میں بلند کیا۔ صدرپاکستان کے خطاب کے بعد گلوکاروں اور طلبہ نے ملی نغمے پیش کرتے ہوئے وطن سے محبت کا اظہار کیا۔