پشاور: قائداعظم محمد علی جناح نے پاکستان بنانے کی جدوجہد میں صوبہ خیبرپختونخوا کے عوام کو وہاں جاکر تحریک آزادی میں شرکت کی دعوت دی، وہ جس مکان میں ٹھہرے تھے آج بھی وہ مکان اس سنہری دور کا حال بیاں کرتا ہے۔
یہ در و دیوار اور دریچے رہے ہیں رفیق بانی پاکستان قائداعظم محمد علی جناح کے۔ پشاور میں واقع یہ مکان ہے خان بہادر محمد حسن کا جہاں بابائے قوم نے نو دن قیام کر کے آج کے صوبہ خیبر پختونخوا اور اس وقت کے صوبہ سرحد کے عوام کو تحریک پاکستان کی جدوجہد میں حصہ لینے کا پیغام دیا تھا۔
سن 1945 میں بنائے گئے اس مکان کو اگر غور سے دیکھا جائے تو آج بھی تحریک آزادی کا منظر پیش کرتا ہے، کان لگا کر سنیں تو لے کر رہیں گے پاکستان کی صدائیں آج بھی کانوں کو ٹکراتی ہوئی محسوس ہوں گی۔
وہ شیشہ جس کے سامنے کھڑے ہو کر بابائے قوم روزانہ تیار ہوتے، انکے کھانے کی ٹیبل، پرانا ریڈیو اور اسکے قریب پڑی کرسی بالکل اسی حالت میں موجود ہے جیسے قائداعظم اپنے ہاتھ سے چھوڑ کر گئے تھے۔
یہ در و دیوار گواہ ہیں کہ بانی پاکستان قائد اعظم محمد علی جناح نے ہمیں آزادی دلانے کی خاطر کتنی محنت کی تھی، اب ہمارا فرض ہے کہ اس آزادی کی قدر کریں۔
Facebook Comments
بذریعہ فیس بک تبصرہ تحریر کریں