• صفحہ اول
  • /
  • خبریں
  • /
  • عمران خان کا الیکشن کمیشن کو تحریری معافی نامے کا متن

عمران خان کا الیکشن کمیشن کو تحریری معافی نامے کا متن

اسلام آباد: پاکستان تحریک انصاف کے سربراہ عمران خان نے الیکشن کمیشن کو تحریری معافی نامہ جمع کروادیا۔

تفصیلات کے مطابق تحریری جواب میں عمران خان نے مؤقف اپنایا ہے کہ جان بوجھ کر قانون کی خلاف ورزی نہیں کی، غیر ارادی طور پر ہونے والی خطا پر معافی مانگتا ہوں۔

اس تحریری جواب میں عمران خان نے درخواست کی ہے کہ الیکشن کمیشن جاری کردہ نوٹس واپس لے۔

سربراہ تحریک انصاف نے الیکشن کمیشن کی جانب سے جاری کردہ نوٹس کے جواب میں کہا کہ آئین و قانون کی مکمل پاسداری پر یقین رکھتا ہوں۔

انہوں نے اس تحریری معافی نامے میں مزید کہا کہ پولنگ اسٹیشن پر بہت زیادہ رش تھا، میں تنہا پولنگ اسٹیشن کے اندر گیا تھا۔

ان کا مزید کہنا تھا کہ پولنگ اسٹاف سے مہر لگانے کی جگہ سے متعلق دریافت کیا، عملے نے کہا بوتھ گر گیا ہے آپ یہیں پر مہر لگادیں۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *