راولپنڈی:ایون فیلڈ ریفرنس میں سزا پانے والے مسلم لیگ (ن)کے قائد نوازشریف، مریم نوازاورکیپٹن (ر) صفدر سےاڈیالہ جیل میں آج ملاقات کا دن ہے۔
سابق وزیراعظم نوازشریف، مریم نواز اور کیپٹن ریٹائرڈ صفدرکو سیلز سے نکال کر کانفرنس روم میں بیٹھا دیا گیا ہے۔
جیل انتظامیہ نے میاں نوازشریف سے ملاقات کرنے والوں کی فہرست مرتب کررکھی ہے جبکہ لیگی رہنماوں کی بڑی تعداد کی اڈیالہ جیل آمد متوقع ہے تاہم صرف ان لیگی رہنماؤں کی کرائی جائے گی جن کا نام فہرست میں ہوگا، ملاقات کا وقت شام 4 بجے تک رکھا گیا ہے۔
اڈیالہ جیل کا گیٹ نمبر5 ملاقاتیوں کی گاڑیوں کیلئےمختص کردیا گیا ہے جبکہ جیل کے اندر اورباہرسیکیورٹی کے سخت انتظامات کئے گے ہیں۔
واضح رہے کہ سابق وزیراعظم میاں نواز شریف اور بیٹی مریم نواز کو اڈیالہ جیل میں قید ہوئے ایک ماہ ہوگیا ہے۔
Facebook Comments
بذریعہ فیس بک تبصرہ تحریر کریں