راولپنڈی اوراسلام آباد میں بارش، نشیبی علاقے زیرآب

اسلام آباد:راولپنڈی اوراسلام آباد  میں گرج چمک کےساتھ بارش کا سلسلہ تاحال وقفے وقفے سے جاری ہے،نشیبی علاقے زیرآب آگئے،نالہ لئی میں طغیانی کیفیت ہے۔

جڑواں شہروں میں بارش خوب ہوئی،بادل گرجے اور جم کر برسے،راولپنڈی کے نشیبی علاقے جھیل کا منظر پیش کرنے لگے،سڑکیں تالاب بن گئیں، گھروں میں پانی جمع ہونے سے شہریوں کو سخت مشکلات کا سامنا ہے۔

ترجمان واسا کا کہنا ہے کہ نالہ لئی میں پانی کا بہائو 13.5فٹ ہے،نالہ لئی میں پانی کی سطح کٹاریاں پل کے مقام پر9.16جبکہ گوالمنڈی کے مقام پر11.14فٹ پرپہنچ گئی ہے،شہریوں کو محتاط رہنے کی ہدایت کردی گئی ۔

راولپنڈی، اسلام آباد میں فیڈر ٹرپ ہوگئے،جس نے شہریوں کی مشکلات کو اور بڑھا دیا،کئی علاقے اب تک تاریکی میں ڈوبے ہوئے ہیں۔

واسا کی ٹیمیں مختلف علاقوں میں مشینری کے ذریعے پانی نکالنے میں مصروف ہیں۔

Advertisements
julia rana solicitors

محکمہ موسمیات کے مطابق راولپنڈی میں اب 111 ملی میٹربارش ریکارڈ کی گئی۔

  • julia rana solicitors london
  • merkit.pk
  • julia rana solicitors

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply