اسلام آباد:پاکستان تحریک انصاف کے چیئرمین عمران خان نے 11اگست کو وزارت عظمیٰ کا حلف اٹھانے کا فیصلہ کرلیا ۔
کپتان 11اگست کو وزیراعظم پاکستان بنیں گے،عمران خان نےحتمی فیصلہ کرلیا۔
دوسری جانب پنجاب حکومت بنانے کیلئے بھاگ دوڑ زوروں پر جاری ہے،پی ٹی آئی اور نون لیگ کی آزاد امیدواروں سے ملاقاتیں جاری ہیں۔
مسلم لیگ (ق) نے فیصلہ کرلیا ان کا پی ٹی آئی سے اتحاد غیر مشروط نہیں ہوگا،آج عمران خان سے بنی گالا جاکر ملاقات کا امکان ہے۔
ملاقات میں (ق)لیگ اپنے مطالبات سے آگاہ کرےگی،اس سےقبل فواد چوہدری نے بھی چوہدری برادران سے ملاقات کی تھی۔
خیبرپختونخوا پی ٹی آئی کے نومنتخب اراکین کا اہم اجلاس بھی آج طلب کرلیا گیا،جس میں وزیراعلیٰ پختونخوا اور صوبائی کابینہ سے متعلق امور پر غور کیا جائے گا۔
اجلاس میں سابق وزیراعلیٰ پرویزخٹک اور اسپیکر اسد قیصر بھی شریک ہوں گے۔
Facebook Comments
بذریعہ فیس بک تبصرہ تحریر کریں