سی پیک پاکستانی آئندہ حکومت کی بھی ترجیح

پاکستان میں آئندہ انتخابات کے بعد چین پاکستان اقتصادی راہداری سی پیک منصوبے عوام کی وسیع تر حمایت کے ساتھ مثبت طریقے سے آگے بڑھتے رہیں گے، انتخابات کے بعد تشکیل پانے والی نئی حکومت  کیلئے بھی سی پیک منصوبے ترجیحات میں شامل ہوں گے۔ معروف چینی اخبار چائنا ڈیلی نے  اپنے ایک مضمون میں کہاہے کہ سی پیک پاکستان کیلئے ایک اسٹرٹیجک فیصلہ ہے، عام انتخابات کے بعد بھی سی پیک منصوبے وسیع تر اور مسلسل عوامی حمایت کے ساتھ آگے بڑھتے رہیں گے۔ آئندہ حکومت  کیلئے بھی سی پیک منصوبے ترجیحات میں شامل ہوں گے۔ مضمون کے مطابق پاکستان کے 22کروڑ عوام، پاکستانی ادارے اور فوج سی پیک منصوبوں کی حمایت کرتے ہیں اور وہی اس کے ضامن ہیں۔ سی پیک کے تحت منصوبے ایک عالمی ذمے داری ہیں اور پاکستان نے ہمیشہ سے اپنی ذمے داریوں کو پورا کیا ہے۔سی پیک منصوبے دونوں اطراف کے مابین اتفاق رائے کے ساتھ طے پائے ہیں جن کے فوائد دونوں ممالک  کیلئے  مشترکہ ہیں۔  سی پیک کے تحت منصوبے پاکستان ، پاکستانی معیشت، روزگار کے مواقع اورسیکیورٹی کیلیے اہم ترین ہیں۔ تمام سیاسی جماعتوں کے مابین اتفاق رائے موجود ہے کہ سی پیک کی ہر حالت میں اصولی طور پر حمایت جاری رکھنی ہے۔ پاکستانی عوام پہلے سے ہی سی پیک کے فوائد حاصل کررہے ہیں اور یہ واضح ہے کہ پاکستان میں بجلی کا بحران حل کرنے میں مدد ملی ہے ، سی پیک منصوبوں سے قبل پاکستان میں بجلی کا بحران تھا اور پاکستان کی صنعتوں کو عالمی برادری میں مقابلہ کرنے میں مشکلات کا سامنا تھا۔ منصوبوں کے تحت پاکستان کے انفرااسٹرکچر میں بہتری آئی ہے جس سے عوام کو سفری سہولتیں میسرآئی ہیں اور رابطہ سازی کا عمل بہتر ہوا ہے۔ نوجوانوں کیلیے روزگار کے نئے مواقع پیدا ہوچکے ہیں، نئے کاروبار شروع ہو رہے ہیں۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply