اسلام آباد:اسلام آباد کے سیکٹر جی ٹین میں متحدہ مجلس عمل (ایم ایم اے)کے انتخابی کیمپ پر پولیس نے ہوائی فائرنگ کرتے ہوئے انتخابی کیمپ کو بند کر دیا۔
اسلام آباد کے جی ٹین سیکٹر میں متحدہ مجلس عمل کے انتخابی کیمپ پر فائرنگ کے معاملے پر ایم ایم اے کے کارکنوں نے جی ٹین روڈ احتجاجاً بند کردیا۔
ایم ایم اے کے رہنما کے مطابق ،اسلام آباد پولیس نے زبردستی انتخابی کیمپ بند کرانے کی کوشش کی ،انتخابی کیمپ بند نہ کرنے پر پولیس نے فائر کھول دیا۔
پولیس کا کہنا تھا کہ لاوڈ اسپیکر کے استعمال سے منع کرنے پر جماعت اسلامی کے کارکنان نے دھکے دیئے ،اے ایس آئی نے اپنے دفع میں گولی چلائی۔
ایم ایم اے کے امیدوار میاں اسلم نے الیکشن کمیشن سے واقعہ کا نوٹس لینے کا مطالبہ کرتے ہوئے کہا اسلام آباد میں آزادانہ مہم چلانے نہیں دی جا رہی،تشہیری مواد کو ضبط کیا جا رہا ہے، کارکنان کی آئے روز گرفتاری کے بعد فائرنگ ناقابل برداشت ہے۔
Facebook Comments
بذریعہ فیس بک تبصرہ تحریر کریں