"جدید صحافی"
طاہر یاسین طاہر
عام آدمی" آپ کیا کرتے ہیں؟
جدید صحافی" میں لکھاری ہوں۔۔۔
عام آدمی : کیا لکھتے ہیں؟
جدید صحافی: جو نہیں دیکھتا
عام آدمی: کیا مطلب؟
جدید صحافی: ،میں صحافی ہوں۔۔۔
عام آدمی: اچھا جی!!
مگر صحافی تو وہی لکھتا ہے جو دیکھتا ہے۔۔۔
جدید صحافی:میں سینئیر صحافی ہوں۔۔۔
عام آدمی:سینئیر صحافی کے تجزیے اور رپورٹیں تو بہت معروضی ہوتی ہیں۔۔
جدید صحافی:جو بہت معروضی ہوتے ہیں ،ان کے گھر کا چولھا بھی اپنی "معروضی" جگہ ہی رہتا ہے۔۔۔
عام آدمی:کیا مطلب؟
جدید صحافی:اس مطلب کو سمجھنے کے لیے ذہانت کے بجائے خوشامدی حِس کی ضرورت ہوتی ہے۔۔۔
عام آدمی:یہ حِس کہاں پائی جاتی ہے۔۔۔۔
جدید صحافی:یہ ان سب میں پائی جاتی ہے جو غیر معروضی ہوتے ہیں،،،
عام آدمی:سمجھا نہیں۔۔۔۔۔
جدید صحافی:خواہش کو خبر،۔۔حسد کو تجزیہ اور امیج بلڈنگ کا ہنر ہی کامیاب صحافتی ہنر ہے۔۔۔
عام آدمی:کیا مطلب؟
جدید صحافی"اس مطلب کو سمجھنے کے لیے "جدید صحافت" کے رموز جاننا ضروری ہے۔۔۔۔اسے عام آدمی نہیں سمجھ سکتا۔۔۔۔۔
Facebook Comments
بذریعہ فیس بک تبصرہ تحریر کریں