چکوال : بلکسر انٹر چینج کے قریب گاڑی کے حادثے میں ایک ہی خاندان کے 5 افراد جاں بحق ہوگئے۔

بلکسر انٹر چینج پر موڑ کاٹتے ہوئے گاڑی حادثے کا شکار ہوگئی۔ اندوہ ناک حادثے میں تین افراد موقع پر ہی جاں بحق، جب کہ ایک شدید زخمی ہوگیا۔واقعہ کی اطلاع ملتے ہی ریسکو اور موٹر وے ٹیمیں موقع پر پہنچ گئیں، جس کے بعد لاشوں اور زخمی کو اسپتال منتقل کیا گیا، جہاں زخمی شخص زخموں کی تاب نہ لاتے ہوئے دوران علاج چل بسا، جس کے بعد جاں بحق افراد کی تعداد چار ہوگئی۔

Advertisements

موٹر وے حکام کے مطابق گاڑی کا ٹائر پھٹنے کے باعث گاڑی حادثے کا شکار ہوگئی۔ مرنے والوں کا تعلق ملتان سے تھا، جو بذریعہ چکوال راولپنڈی جا رہے تھے۔