عام شہری ہوں، خصوصی پروٹوکول نہیں چاہیے،عمران خان

چیئرمین پاکستان تحریک انصاف عمران خان نے کہا ہے کہ ہم اس ملک میں قانون کی بالادستی کے لیے کام کریں گے۔نواز شریف اور وزیر اعلیٰ پنجاب شہباز شریف لوگوں کو قتل کرواتے ہیں اور چاہتے ہیں کہ کوئی ان سے پوچھنے والا نہیں ہو، پیشی کے موقع پر میڈیا سے گفتگو کرتے ہوئے انہوں نے کہا کہ تمام شہریوں کا ایک ہی مقام ہونا چاہیے اور میرا عدالت میں پیشی کا مقصد بھی یہی ہے کہ قانون سب کے لیے برابر ہے، ایک عام شہری ہوں اور مجھے خصوصی پروٹوکول کی ضرورت نہیں ہے جبکہ نواز شریف مغل اعظم ہیں اور ان کا مقصد صرف عدلیہ پر دبائو ڈالنا ہے، ہمارے ملک کے سابق وزیر خزانہ کو پیسے منی لانڈرنگ کے لیے دیئے گئے اور انہوں نے اسی وزیر خزانہ کو سینیٹ کا ٹکٹ دیا تھا،حکومت کی ساری توجہ ایک بدعنوان آدمی کو بچانے کے لیے ہے اور اس سے پاکستان کو مشکلات کا سامنا کرنا پڑے گا، دہشتگرد ی عدالت کے جتنے میرے چکر لگ رہے ہیں میں بھول گیا ہوں، یہ تمام کیسز بہت مزاحیہ ہیں۔ انہوں نے کہا کیوں نکالا کا ڈرامہ چل رہا ہے، کوشش کی جا رہی ہے این آر او مل جائے، کوئی قانون سے بالاتر نہیں ہے۔عمران خان نے مزید کہا کہ شاہد خاقان عباسی کٹھ پتلی وزیراعظم ہیں، قیمے کے نان کھلا کر جلسے کیے جا رہے ہیں، خادم اعلیٰ لوگوں کو پولیس کے ذریعے قتل کراتے ہیں کوئی انہیں نہیں پکڑتا،حکمرانوں کے پاس وقت ہی نہیں کہ خارجہ پالیسی دیکھیں، پاکستان کا نام واچ لسٹ میں ڈالا جا رہا ہے۔ ان کا کہنا تھاعلی ترین نے بہترین انتخابی مہم چلائی ، اس پر علی ترین کو داد دیتا ہوں۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply