نیویارک: افریقی یونین نے امریکی صدر ڈونلڈ ٹرمپ سے معافی کا مطالبہ کردیا ہے۔ یونین نے ٹرمپ کے الفاظ کو نسل پرستانہ اور نفرت پر مبنی قرار دیتے ہوئے کہا کہ امریکی انتظامیہ کا یہ رویہ افریقی ممالک اور عوام کیلیے انتہائی پریشان کُن ہے۔

امریکی صدر ڈونلڈ ٹرمپ نے بند کمرے میں افریقی ممالک کو گھٹیا قرار دیا تھا، جس پر  ردعمل کا اظہار کرتے ہوئے افریقی یونین نے کھلے عام معافی کا مطالبہ کردیا۔

امریکا میں تعینات افریقی یونین کے سفارتکاروں نے بھی ہنگامی بیٹھک لگائی۔

Advertisements

شرکا نے ہیٹی سے متعلق بھی ٹرمپ کے ریمارکس پر تشویش کا اظہار کیا ۔ساتھ ہی یہ بھی کہہ دیا کہ امریکی انتظامیہ کی جانب سے افریقی ممالک اور عوام کے خلاف بڑھتا ہوا نسل پرستانہ رویہ پریشان کُن ہے۔