تجارت کو معمول پر لانے کے لیے مذاکرات کے لیے پاکستان کا وفد سیکریٹری تجارت خرم آغا کی قیادت میں آج سے کابل کا دو روزہ دورہ کرے گا۔

وزارت خارجہ کے ترجمان کے مطابق وفد افغان ٹرانزٹ ٹریڈ (اے ٹی ٹی) کے تحت تجارتی تعلقات کو معمول پر لانے پر بات چیت کے لیے افغانستان کا دورہ کرے گا۔ تجارتی مذاکرات اختلافات کو دور کریں گے اور سرحدی علاقوں میں کشیدگی کو کم کرنے اور ٹرانزٹ اور دو طرفہ تجارتی امور پر غور کرنے کے لیے مزید اعتماد سازی کے اقدامات کریں گے۔

ایکس پر بات کرتے ہوئے، دفتر خارجہ کی ترجمان ممتاز زہرہ نے کہا، “سیکرٹری تجارت خرم آغا پیر 25 مارچ 2024 کو افغانستان کا 2 روزہ دورہ کریں گے، جس میں تجارت سے متعلق امور پر تبادلہ خیال کیا جائے گا۔ پاکستان افغانستان کے ساتھ تجارت اور عوام کے درمیان تعلقات کو فروغ دینے کے لیے پرعزم ہے۔

پاکستان کے دیگر مندوبین میں وزارت تجارت کی جوائنٹ سیکرٹری ماریہ قاضی، ایڈیشنل سیکرٹری تجارت ڈاکٹر واجد علی خان، ڈائریکٹر جنرل ٹرانزٹ ٹریڈ اور ایڈیشنل سیکرٹری داخلہ خوشحال خان شامل ہوں گے۔

افغان وزارت تجارت کے ترجمان عبدالسلام جواد کی جانب سے تصدیق شدہ اطلاعات کے مطابق وزیر صنعت و تجارت نورالدین عزیزی افغان وفد کی قیادت کریں گے۔